حل الكابتن طارق السيد نجم نادي الزمالك ومنتخب مصر لكرة القدم، ضيفا على برنامج (كلم ربنا) الذي يقدمه الكاتب الصحفي أحمد الخطيب رئيس قطاع الثقافة بالشركة المتحدة على الراديو 9090.
وروى السيد تفاصيل أصعب لحظات عاشها في حياته أثناء وبعد وفاة والده قبل أيام خلال شهر رمضان المبارك، وقال: عشت مع والدي لحظات صعبة جدا في آخر أيام حياته.. من المستحيل إني أقدر أوصف شعوري فيها.. لكن أصعب ما في اللحظات دي لما الدكتور ييجي يقول لك (البقية في حياتك) ويبلغك خبر وفاة أعز الناس عندك.. كان موقفا صعبا ومحزنا عشان وجع الفقد.
وعن كواليس مرض ووفاة والده قال: نقلت والدي للمستشفى قبل الإفطار بدقايق.. والدكاترة عملوا معاه محاولات كتير لتنشيط القلب.. وكانت نسبة الأكسجين في الجسم قلت كتير جدا لدرجة إنها بتهدد المخ، خصوصا إنه عامل عمليات كتير قبل كدا.. وأثناء وجوده في العناية المركزة اتوجهت لربنا وصليت ركتين لله وكلمته.. وقلت له: يا رب لو هيعيش وهو متألم وبيتأذي وهيتعب اكتب له الراحة من الألم”.
ويكمل كابتن منتخب مصر قائلا: “دفنة والدي كانت أمر صعب جدا ولما دخلت معاه القبر وأنا بحط إيدي عليه بعد 14 ساعة من وفاته في المستشفى، حسيت بجسده طري زي ما يكون حي وفيه الروح.. كان إحساس مش طبيعي لدرجة إني تصورت إنه لسا على قيد الحياة.. سبحان الله هو كان كأنه حي.. رفعت الكفن عن وجهه عشان اطمن نفسي.. ساعتها قلت له سامحني أنا تعبتك معايا في حياتي أرجوك سامحني.
وتابع طارق السيد حديثه قائلا: بعد وفاة والدي بيومين جت لى منه رسالة مع حد من أهله.. زاره في المنام وقال له: بلغ طارق يهدي نفسيا ويبكي ويطلع اللى جواه.. أنا عارف إنه زعلان عليا وأنا نفسي يهدي ويرتاح ويخرج الشحنة اللى جواه عشان ميتعبش.
ووجه طارق السيد رسالة للمستمعين قال فيها: رسالتي لكل واحد عنده أب لسا على قيد الحياة يتمسك به ويخليه قريب منه.. لأن بعد ما أبوك يرحل مفيش حد هيبقي حنين عليك.
.jpg "طارق السيد كابتن نادي الزمالك (1)")
طارق السيد كابتن نادي الزمالك مع أحمد الخطيب
.jpg "طارق السيد كابتن نادي الزمالك (2)")
طارق السيد كابتن نادي الزمالك